空中服務員的謊話

韓國氣象廳地面氣壓天氣圖 (26/12/2012 2000HKT)

今天飛去食金邊粉。休想到地出外踏進柬埔寨的國土，飛機餐的金邊粉就有得你食！揸乾ＡＩＲ的機，大多是即日來回。

說回正題，由香港飛到金邊需時約 2.5 小時。今天起飛若四十五分鐘至一小時不久，應在海南島至越南上空附近，開始遇 turbulence， bumpy 持續約十分鐘。

這行空服每天必講的說話，一定離不開「唉，今日咁鬼澄！」或「今日好 smooth 呀。」。如預上氣流而 Seat Belt Sign On，為了安全，是不能供應熱飲的。對於空服員，看似幾好，可以坐低唔使做。錯了！ Seat belt sign off 後你一樣要做返，對短途機來說，要趕回失去的時間，仲更加要快，更「Chur」更麻煩。

到金邊後 transit 等待機艙清潔時，艙務長說:「今日都幾澄喎，好彩唔係 last 好耐。」一個空服員答:「係呀，菲律賓果邊打風呀嘛，悟空。」。我 FLYKung 又要無知地笑說「係啦，搞到咁鬼澄！」。

從天氣圖可見，最底中間的「TS」就是那個「風」悟空，她最強的強度只是一個熱帶風暴，經過菲律賓時對當地造成少災害。但當天越過菲律賓後，「悟空」已減弱至熱帶低氣壓。我們可透過天氣圖的等壓線看出風勢，線與線間距離愈密（即氣壓梯度），風越大。大家看看海南島附近到「TS」的等壓線，疏得不能再疏，呢個「悟空」影響真「大」！其實咁 turbulence 好大機會係中國的高壓區南移接近海南沿岸至使。

所以，大家搭飛機，如果想問點解今程機咁澄咁 bumpy，最好落機前跑到駕駛艙門外，問問當天的機師，答案一定比空服員清楚準確很多！通常空服的答案都係胡說一通，務求以最快速度將你耍走，說的大多是假話。