鮮甜清新的士多啤梨，任擇！
「人地台灣幾好」、「人地日本蕃茄番著超正呀」。其實大家覺唔覺，我地香港人真係好陰公，成日都淨係識羨慕人地國家，羨慕人地的食物幾好食幾正，「香港、邊搵到呀？！」。香港真係冇？定係我地唔去做，唔去種？
我地生活係香港，所有野都有得買，看似好幸福，咩都有得揀，但其實我地所買的食品大部份都係進口，冇人意識到，其實香港人係冇得揀，而且仲俾大型超市拑住黎搶！香港人有的，是錢，唔介意使錢的港人，又好願意將荷包赤裸裸的奉獻給 Market Place、CitySuer等「高級超市」，買日本、台灣、意大利的進口食品。明珠台的外購飲食節目，都經常講出研究發現超市擺放物品的策略，第一步就是五顏六色的水果，水果像在說出：「你嚟食我啦，買我啦！」就是要吸引人類的眼精。
有心機農場主人 Joey
食物，就如今天我去的本港有機農場 「有心機」，佢地種出不同顏色的蕃茄，有黃、綠、紅、啡、深紫。農場主人 Joey 說，其實人類千萬年都係種呢啲種類，只係我地現代人唔知。好似而家大家成日笑說的港孩，唔知香蕉係黃色皮、蘋果係紅色皮一樣。因為所有大商家要賺錢，將大部份種類淘汰，留返而家你係街市見到的運送最方便，只有平平無奇，無色無味的「紅」蕃茄。點解咁多人而家偏食？就係顏色味道都唔吸引所致。今日喺「有心機」試過唔同種類的蕃茄，味道很特別，與平時食開的紅蕃茄完全唔同，有 Whisky 味、桃味的蕃茄！ 還有葫蘆形的大南瓜及有機無花果！
高大拙壯的台灣/日本種類木瓜，只是七個月。每棵都係彎彎的，係為了將樹木高度限制於溫室內。
既然香港人咁鍾意食日本提子、甜番薯、蕃茄、士多啤梨，台灣的木瓜、水蜜桃，點解我地唔係香港自己的土地上種，我地有錢都唔可以享受得到本土的農作物，要花十倍價錢去買「人地」的產品。明明香港就可以做到，可以有平價高質素的農產品。
香港人就係咁悲哀，日日辛勞完，搵到錢，一有假又勞勞碌碌飛去日本台灣韓國泰國食食食，一箱箱巨峰巨桃托返黎，返黎食完又掛住當地食物，開心左但又傷心左，真係攞嚟賤。
Cafe je T'amin 咖啡師阿沈
我地住緊的土地，住緊的香港其實都可以做到人地做到既野，而且一定可以做到「人地香港幾好！」，有自己獨特的東西。這相簿的兩間機構，分別位於上水及打鼓嶺。一間是裝飾別緻的咖啡館 Cafe Je T'aime，他們自家製的 Brunch，食材就是由 有心機 zen Organic farm 新鮮供應。本港高級食府 Four Seasons Hotel Hong Kong 的有機蔬果，亦是由這間農場供應。
我地又是否真正注意，去嚐試去發展？前天文台台長林超英說：「冇人講過發展，就係要起樓。」
各位香港人，想要吃新鮮美味的蔬果嗎？還是選擇大陸的平價毒菜？
